Tuesday, October 19, 2010

emotional vampires - السموميين



هل في مره كنت في رحله جميله ...أو كنت قاعد في البيت..مبسوط...يوم سعيد ..حاسس أنك فرحان ...ابتسامتك مالية وجهك... ومره واحده افتكرت شخص معين,,شخص بعينه ..كل السعاده دي انقلبت لحزن وعبوس؟؟؟

هل في ناس لما تشوفهم تحس بكل شيء سيء في الدنيا..تحس بالاكتئاب..بالغضب..أن قلبك بيوجعك..مخنوق..أو حتي لما تفكر فيهم بس أو لما تيجي سيرتهم؟؟؟

ناس كل همهم انهم يظهرولك نقاط ضعفك ..طول الوقت..ناس كل همهم يذكروك بأخطاء الماضي في كل الاحوال
والاوقات؟؟؟يذكروك بالمفقود في حياتك
ولما يشوفك زعلان ومكسور بتلمح نظرة البهجه في عيونه ؟؟

السموميين ناس لازم كل شخص علي وجه الكره الارضيه احتك بيهم أو مازال يحتك بيهم..اصدقاء..جيران..اقارب..زمايل في العمل ...

مفيش انسان علي وجه الارض من غير ماضي -مأساه-علاقه فاشلة-فشل من نوع ما-حاجة كان نفسه يحققها بس مااستطاع وبتألمه انه يتذكرها..الخ
السمومي قريب منك عارف بالظبط ايه الشيء ده ..عارف بالظبط الزراير الي لو داس عليها حتس بكل الالم والتعاسة والحزن
حتلاقيه في كل مناسبه بيذكرك بالشيء ده مرارا وتكرارا في وجودك
لو بنت ماتزوجت التعليقات حتكون من نوع
--------------------------------------------------------------
دي فلانة اتزوجت وفرحها كان في اكبر فندق
وبنت مين اتخطبت لاحسن واحد
ومين عمل فرحه فين
-----------------------------------------
لو بتهرب من علاقة فاشله..مافي إنسان بيحب يتذكر ماضي سيء مؤلم.. حتجده حيفكرك ويتباهي امامك عن علاقاته الناجحة..ازاي انه سعيد انه مبسوط
لو عانيت من فشل دراسي..كل مايراك حيتباهي بتفوقه..بتفوق اصحابه واصحابكم المشتركين

في ناس حتذكر أكيد حاجات بتلمس داخْل الواحد ..حتي من باب التفاخر..اعمق رغبه داخْل اي انسان انه.. يظهر..انه يتقدر..يحس انه مهم و الناس مهتمه بالشئ الا عنده..ده طبيعي..لانه ماعارف الا جواك..كتير من لناس مصاب بالنوع ده ..وبتختلف الحده من شخص للتاني

لكن لا اقصد النوع ده من الناس ..السمومي مش حيتفاخر مره ويسكت ..لكنه كل مره حيشوفك فيها حيحاول يمتص الطاقة الايجابيه من داخلك ..ويخليك تحس أنك لا شيء..بالدونيه ..أن كل الا حصلك كان بسببك..نتيجة أخطأك
لحد ماانت تبتدي تشك وتصدق..تنطوي بعيد.وحيد..
وكل ماتتذكره تحس بنفس الاحساس..لحد ممكن توصل أنك تحس أنك مجنون
صعب يكون شخص في الدنيا مامر عليه انسان سمومي

“A question that sometimes drives me hazy: am I or are the others crazy?” Albert Einstein

ده السوال الا كان في عقل الواحد طول الوقت..وأنا بتعامل مع السموميين..الا جعلم حياتي جحيم ..الناس دي المجنونه ولا أنا المجنون؟؟لانك مش عارف أنت بتتعامل مع ايه ومع مين ..لكن تأكد أن الغلط فيهم و المشكله مشكلتهم مش مشكلتك...دي بعض الحقائق عن (السموميين)..لو عرفتها عنهم ..حتعرف أنت بتتعامل مع مين وحتعرف تتعامل معاهم

------------------------------------------------------------------------------------------------
1
السمومي عنده مشكله في حياته..الم نفسي..مشكله نفسيه ..حتي لو مابدت لك ...كل الا بيحاول يعمله انه يرفع روحه المعنويه علي حساب روحك المعنويه لك انت

2
السمومي إنسان مليان بالطاقة السلبيه..حقد علي حسد علي غيره..انت مش حتشوفها وممكن لا تحسها ..و السبيل الوحيد انه ينقل الطاقة السلبيه دي لشخص اخر..يحسسه انه اقل منه ..عشان يحس بالبهجه والسعادة..ماهو مش عارف يتعامل مع الالم النفسي الا عنده ألا كده ..بعد ماينقل الطاقة السلبيه والحموله النفسيه عليك ..وقتها فقط حيرتاح..وحتلاقيه يكرر نفس الشيء كل مارآك
النوع ده من السموميين صعب يتغير..علماء النفس بيوصفه السموميين من النوع ده أن عندهم حالة متاخره من اضطراب الشخصيه
الحل الوحيد أنك تتخلص منهم تمام من حياتك ..للابد بلا رجعه

3
فيه نوع من السموميين مش انسان سئ ..أو ماكان كده بنفس الشخصيه من قبل..
ممكن بيكون بيعاني نوع من
شيء حدث في حياته غيره..وفاه..فشل من نوع ما..فقدان شيء أو شخص عزيز
لو عرفت انه من النوع ده ..أعرف أنك بتتعامل مع مريض..ممكن يكون محتاج شخص يسمعه..يعرفه انه مريض ومحتاج مساعدة
و القصه بتكون اصعب لما السمومي يكون شخص قريب جدا..زوج زوجه أخ
اخت...
لكن وقت ماعرفت انت بتتعامل مع ايه..وعرفت أن المشكله فيهم هما مش فيك ..تقدر تقول لا..ستوب..لو ماعرفت
تقول أستوب ..يبقي انفصل عقليا عنهم..أنت عرفت أن المشكله فيهم هم مش فيك ..وتعمل معاهم بابتسامة
الغلط مش فيك
4
الانسان صعب انه يتحكم في أفعال الناس..لكن يقدر يتحكم في ردود افعاله هو..
كل ماكان رد فعلك تجاه السمومي سلبي..حس أنك منكسر..وانه نجح يلمس الوتر الحساس داخلك كل ماازداد قوه
بتحكمك في ردود افعالك بتقفل عليه اي باب ممكن يدخل منه
5
لا ترين الناس هم كانوا من هم ألا تجملا..و أن كنت صفر اليد والبطن خاوي
بسمعي للنصيحه دي ..بصيت بالراحة علي دائرة علاقتي ,,مين منهم من النوع ده ..اما اوقفته للابد ..أو تخصلت منهم للابد
وأحطت نفسي بناس..حيكونوا موجدين لما احب أتكلم معاهم
ناس شايفين الشيء الجيد فيا وبيوجهوني للافضل دايما
ناس بتفرح لما افرح ..ناس تمدني بطاقة ايجابية
اقسم بالله التخلص من السموميين جلب لي أكتر من 70% من الراحة النفسيه و السعادة
جرب بنفسك وشوف النتيجه

للي حابب يقرا أكتر في الموضوع ده ..دي المصادر..ياريت تقرأوها في حاجات كتير ومعاني عميقه صعب تترجم للعربيه..كتب اكثر من رائعه


The Power of Purpose: Creating Meaning in Your Life and Work by Richard J. Leider, Berrett-Koehler Publishers 1997
  • The Rookie's Playbook: Insights and Dirt for New Principals by Autumn Tooms, Rowland and Littlefield 2005.
  • I Thought I Was the Crazy One: 201 Ways to identify and Deal with Toxic People by Ruthie O. Grant, Personhood Press 2003.
  • Emotional Vampires: Dealing with People Who Drain You Dry by Albert J. Bernstein, Ph.D. McGraw-Hill Professional 2002.


  • --------------------------------------------------------------------------------



    2-compare ourselves to the others, social networks depression (facebook-myspace)
    overcompensation behavior
    مقارنة نفسنا بالاخرين..الشبكات الاجتماعية و الاكتئاب



    "
    هل فيه مره دخلت الفيس بك بتاعك..و كالمعتاد تصفحت صور اصدقائك و تصفحتي صور صديقاتك..واصدقاء الطفوله..
    الا اتزوج والا عنده وظيفه محترمه..الي جاب طفل واتنين و الي جاب عربيه جديده..الي حصل علي درجه علميه كبيره
    كل واحد عنده في البروفيل بتاعه 100 -200-500 صديق..
    حسيت أنك زعلان..مكتئب..حسيت أنك لا شيء..أنك فاشل
    وانطويت وانطويتي لوحدك ..خلف الكمبيوتر بتندب حظك

    هل مره شفت صديق / صديقه تقدمت في حياتها..زواج ...عمل .. ..مش حسدت لكن حسيت أنك زعلان علي نفسك
    قارنت نفسك بيه /بيها علي طول و حسيت أنك لا شيء

    هل انت لوحدك؟؟ليه بتحس كده ؟؟ايه الحقيقه ورا الكلام ده
    هو فعلا الناس كلها بالسعادة دي الظاهره في الصور ألا أنا ؟؟؟
    ده نتكلم فيه مع بعض في البوست القادم..حنقل لكم مشاهد ومواقف الواحد مر بيها وسمعها و شافها
    الحاجات البسيطه دي لقيت ناس كتير تاعبهم جدا في حياتهم وهم مش فاهمين ليه


    5 comments:

    كلمات من نور said...

    الاول عملت إيه في الإمتحان يا محمد؟

    يارب يوفقك ويبعد عنك سموم الناس هذه انت وكل شبابنا وبناتنا و إحنا معاكم طبعا

    Anonymous said...

    يارب امين
    طمنا فعلا،يارب بالتوفيق دايما

    Mohamed said...

    @أم البنين
    الامتحان كان
    open book exam
    يعني بفضل الله سهل
    (:
    يارب يخليك ويعز حضرتك دايما إن شاء الله
    السموميين ملهاش علاقةبسن..لان جميع الاعمار بيحتك بيهم
    كان نفسي حضرتك تشاركينا نوع الناس السومميينحضرتك تعاملتي معاهم
    لكن خير إن شاء الله
    (:
    ربنا يبارك لحضرتك

    Mohamed said...

    اخي/اختي الغير معرف
    شكرا علي السؤال يا طيب ..لكن كان نفسي تشاركنا تجربه ليك مع السموميين
    (:
    كان حيبقى افضل كتير ...هل الصوره وصلت كده صح؟؟
    هل ده ليه علاقة بالواقع؟؟
    شكلي كده ماعرفت اوصل أنا قصدي ايه ؟
    (:
    كان نفسي تشاركنا يا طيب..لكن خير إن شاء الله
    كل التحيه والتقدير
    (:

    ghorBty said...

    موضوع في غاية الاهميه

    مكتوب حلو اووي وفيه معلومات في غاية الجمال

    وللاسف ما اكثر هذا في عالمنا

    انا دايما بفكر نفسي بحديث ( ارضى بما قسم الله لك تكن اغنى الناس ) السعاده الحقيقيه فى الرضا لكن لو فضلنا نقارن حالنا بحال غيرنا حياتنا هتبقى تعيسه وهتخلص واحنا مش حاسيين باي لحظه سعاده فيها ..
    زز
    ربنا يرضينا ويرضى عنا

     

    Sample Text

    أنا إن عشت لست أُعدم قوتا ** وإذا مت لست أعدم قبرا
    همتي همة الملوك ونفسـي** نفس حر ترى المذلة كفرا
    وإذا ما قنعت بالقوت عمري** فلماذا أخاف زيدا وعمروا



    إذا وقع الذباب على طعام رفعت يدي ونفسي تشتهيه
    وتجتنب الأسود ورود ماء إذا كن الكلاب ولغن فيه

    إذا كنت في نعمة فارعها
    فإن المعاصي تزيل النعم
    وحافظ عليها بتقوى الإله
    فإن الإله سريع النقم

    لسانك لا تذكر بها عورة امرئ
    فكلك عورات وللناس ألسن
    وعينك إن أبدت إليك معايباً لقوم
    فقل يا عين للناس أعين

    يا رب عفوك لا تأخذ بزلتنا
    وارحم أيا رب ذنباً قد جنيناه
    كم نطلب الله في ضر يحل بنا
    فإن تولت بلايانا نسيناه
    ندعوه في البحر أن ينجي سفينتنا
    فإن رجعنا إلى الشاطي عصيناه
    ونركب الجو في أمن وفي دعة
    فما سقطنا لأن الحافظ الله


    فَلا تَغُرَّنَّكَ الدُّنْيــا وَزِينَتُها *

    وانْظُرْ إلى فِعْلِهــا في الأَهْلِ والوَطَنِ

    وانْظُرْ إِلى مَنْ حَوَى الدُّنْيا بِأَجْمَعِها *

    هَلْ رَاحَ مِنْها بِغَيْرِ الحَنْطِ والكَفَنِ

    خُذِ القَنـَاعَةَ مِنْ دُنْيَاك وارْضَ بِها *

    لَوْ لم يَكُنْ لَكَ إِلا رَاحَةُ البَدَنِ

    يَـا زَارِعَ الخَيْرِ تحصُدْ بَعْدَهُ ثَمَراً *

    يَا زَارِعَ الشَّرِّ مَوْقُوفٌ عَلَى الوَهَنِ








    My Blog List

    Powered by Blogger.

    Dreams Of An Inspired Mind: Muslim-ized

    john cena
    Subscribe to Feed


    مدونة أفلا يتدبرون القرآن

    john cena

    My Blog List

    Blog Archive